బాధ్యులపై కఠిన చర్యలు తీసుకోవాలి

నవ తరంగాలు / హనుమకొండ : పాలకుర్తి గురుకులంలో విద్యార్థినులను కరిచిన ఎలుకలు. విద్యార్థుల ప్రాణాలతో చెలగాటం ఆడితే సహించేది లేదు. ప్రిన్సిపాల్ ను సస్పెండ్ చేసి, బాధ్యులపై కఠిన చర్యలు తీసుకోవాలి. USFI జనగామ జిల్లా కార్యదర్శి యాకన్న రాథోడ్ డిమాండ్. జనగామ జిల్లా పాలకుర్తి మండల కేంద్రంలోని సాంఘిక సంక్షేమ బాలికల గురుకుల పాఠశాల మరియు కళాశాలలో విద్యార్థినుల భద్రతపై తీవ్ర ఆందోళన కలిగించే ఘటన చోటుచేసుకుంది. హాస్టల్లో నిద్రిస్తున్న విద్యార్థినులను ఎలుకలు కరవడంతో పలువురు బాలికలు గాయపడిన ఘటన తీవ్ర కలకలం రేపింది. ఈ ఘటనలో బాధిత విద్యార్థినులను ప్రభుత్వ ఆసుపత్రికి తరలించి వైద్య చికిత్స అందించినట్లు వార్తలు వెలువడ్డాయి. ఈ ఘటనపై USFI జనగామ జిల్లా కార్యదర్శి యాకన్న రాథోడ్ తీవ్ర ఆగ్రహం వ్యక్తం చేశారు. విద్యార్థులకు సురక్షితమైన వాతావరణం, పరిశుభ్రమైన వసతి, సరైన ఆహారం, వైద్య భద్రత కల్పించాల్సిన గురుకులంలో ఇలాంటి ఘటన చోటుచేసుకోవడం అత్యంత ఆందోళనకరమని అన్నారు.