భారత రాజ్యాంగాన్ని రక్షించుకుందాం

మతసామరస్యాన్ని కాపాడుదాం భారత రాజ్యాంగాన్ని రక్షించుకుందాం.

•  నేదునూరి జ్యోతి.

• భారత కమ్యూనిస్టు పార్టీ రాష్ట్ర కార్యవర్గ సభ్యురాలు.

 నవ తరంగాలు / హాసన్ పర్తి : దేశంలో వికసిత భారత్ పేరుతో కేంద్ర పాలకవర్గాలు విభజిస్తూ విద్వేషాలను రగిలిస్తున్న కేంద్ర పాసిస్ట్ ప్రభుత్వాన్ని నిలదీస్తూ మతసామరస్యాన్ని భారత రాజ్యాంగాన్ని కాపాడుకోవాలి అని భారత కమ్యూనిస్టు పార్టీ రాష్ట్ర కార్యవర్గ సభ్యురాలు నేదునూరి జ్యోతి పిలుపునిచ్చారు.  సిపిఐ జాతీయ సమితి పిలుపు మేరకు శుక్రవారం రోజున హసన్ పర్తి మండల కేంద్రంలో సిపిఐ సీనియర్ నాయకులు మోతే లింగారెడ్డి తో కలిసి మహాత్మా గాంధీ విగ్రహానికి పూలమాలవేసి నివాళులర్పించి మతసామరస్యత కాపాడాలని వినతిపత్రం సమర్పించడం జరిగినది. అనంతరం నేదునూరి జ్యోతి,మోతే లింగారెడ్డి మాట్లాడుతూ మతం ఆధారంగా సమాజంలో విభజన తీసుకువచ్చి లౌకివాదాన్ని భారత రాజ్యాంగాన్ని ప్రజాస్వామ్యాన్ని కేంద్ర ఫాసిస్టు పాలకులు  అపహస్యం  చేస్తున్నారని ధ్వజమెత్తారు. భారతదేశం అన్ని మతాల విభిన్న భాషల ప్రాంతాల సామరస్యంతో సహజీవనం చేసే లౌకికవాద  సమాజం అనే మౌలిక పునాదిని ఆర్ఎస్ఎస్,బిజెపి దెబ్బతీస్తుందన్నారు.నేడు దేశం మితవాదం, మతతత్వ  ఫాసిజం అశ్రిత పెట్టుబడిదారీ విధానం అనుసరించే రాజకీయ శక్తులు రాజ్యాంగ మూల విలువలైన లౌకికవాదం, సంక్షేమవాదం,సమాఖ్య వాదాన్ని దెబ్బతీస్తున్నాయన్నారు. స్వేచ్ఛ సమానత్వం సామాజిక న్యాయం గౌరవాన్ని హామీ ఇచ్చే వ్యవస్థ నిర్మాణం కొరకు సమరశీల పోరాటాలకు సన్నద్ధం కావాలని మహాత్మా గాంధీ జయంతి సందర్భంగా పిలుపునిచ్చారు,   ఈ కార్యక్రమంలో సిపిఐ జిల్లా కార్యవర్గ సభ్యులు నేదునూరి రాజమౌళి    మండల కార్యదర్శి మెట్టు శ్యామ్ సుందర్ రెడ్డి దొమ్మాటి ప్రవీణ్ కుమార్ మాదాసి బాబు,ముజీగ   పరుశరాములు,  షేక్ బాబు,నాంపల్లి లక్ష్మయ్య, గోపరాజు కుమారస్వామి,ముజిగా అజయ్ కల్వచర్ల వెంకటేశ్వర్లు దుస్స  వెంకటేశ్వర్లు  తదితరులు పాల్గొన్నారు.