మతసామరస్యానికి విఘాతం కలిగిస్తున్న బీజేపీ

• మతసామరస్యానికి విఘాతం కలిగిస్తున్న బీజేపీ.

• సిపిఐ జిల్లా సహాయ కార్యదర్శి మద్దెల ఎల్లేష్.

నవ తరంగాలు / హనుమకొండ  : కేంద్రంలోని బిజెపి పాలన విధానాలు దేశంలో మతసామరస్యానికి తీవ్ర విఘాతం కలిగిస్తున్నాయని సిపిఐ జిల్లా సహాయ కార్యదర్శి మద్దెల ఎల్లేష్ ఆరోపించారు. శుక్రవారం గాంధీ జయంతి సందర్భంగా కాజీపేట మండలం మడికొండ గ్రామంలో గల గాంధీ విగ్రహానికి సిపిఐ జిల్లా సహాయ కార్యదర్శి మద్దెల ఎల్లేష్, సిపిఐ నాయకులు పూలమాలలు వేసి ఘన నివాళి అర్పించారు. ఈ సందర్భంగా సిపిఐ జిల్లా సహాయ కార్యదర్శి మద్దెల ఎల్లేష్ మాట్లాడుతూ గాంధీ అంటేనే మతసామరస్యానికి, పరమత సహనానికి ప్రతీక అని, అలా కోరుకున్నందుకే ఆర్ఎస్ఎస్ తుపాకి గుల్లకు బలి కావాల్సి వచ్చిందని అవేదన వ్యక్తం చేశారు. గాంధీని కాల్చిన గాడ్సేలే దేశభక్తులని, వారే మాకు స్ఫూర్తి అనే నిస్సిగ్గుగా కేంద్రంలో పాలన చేస్తున్న బీజేపీ పార్టీ చెబుతూ, మెజారిటీ వాద రాజకీయాలతో మైనార్టీలకు తావు లేకుండా చేసే ప్రయత్నాలు ఈ దేశంలో పెద్ద ఎత్తున మత విద్వేషాలు రెచ్చగొడుతున్నారని అన్నారు. మత విద్వేషాలను నివారించడానికి గాందేయవాదులు, ప్రగతిశీల శక్తులు, ప్రజాస్వామ్యవాదులు ఏకమై భారతీయ సంస్కృతి భిన్నత్వంలో ఏకత్వాన్ని కాపాడడానికి గాంధీజీ స్ఫూర్తితో ఉద్యమించాలని అదే మహాత్మునికి మనం అందించే ఘన నివాళులు అని అన్నారు. ఈ కార్యక్రమంలో సిపిఐ జిల్లా కార్యవర్గ సభ్యుడు మునిగాల బిక్షపతి, కాజీపేట మండల కార్యదర్శి మాలోత్ శంకర్ నాయక్, నాయకులు మునిగాల ఐలయ్య, రాస మల్ల కుమార్, మరియు గ్రామస్తులు తదితరులు పాల్గొన్నారు.